LAOAG CITY – Saan a nababbaba ngem 5 a tattao ti natay kalpasan a naaksidente ti maysa a tour bus iti New York City.
Inbatad ni New York State Police spokesperson James O’Callaghan a ti bus ket addaan ti 50 a pasahero no sadinno nga aggapo daytoy iti Niagara Falls ken agsubli koman iti New York City idi napasamak ti aksidente iti highway ti ili ti Pembroke iti abagatan a paset ti Buffalo, New York.
Naamoan a nagtultulidtid pay ti bus iti nangato a paset ti kalsada no sadinno a karaman kadagiti pasahero ket menor de edad.
Inawagan met ni New York Governor Kathy Hochul ti insidente a nakaam-ames.
Agtultuloy ti imbestigasyon dagiti otoridad tapno maamoan no ania ti nangitunda ti insidente.
