LAOAG CITY – Saan laeng a ni Presidente Rodrigo Duterte ti posible a mapatawan ti pannusa seknan ti inpila a reklamo ni Senador Antonio Trillanes IV a crimes againts humanity kontra ti presidente iti International Criminal Court (ICC).
Inpetteng ni Magdalo Partylist Representative Gary Alejano a ni laeng Duterte ti primary respondent ti nasao a kaso.
Inlawlawag na a karaman kadagiti mapatawan ti pannusa ket da PNP Chief Ronald dela Rosa, Justice Secretary Vitaliano Aguirre II, Chief Presidential Legal Counsel Salvador Panelo ken amin a mangkalkalob ken mangipatpatungpal ti polisiya ni Presidente Duterte.
Kabayatanna, inpalagip ni Alejano nga adda ti democratic institution ken dagiti proseso tapno maipasigurado a dagiti awan basol na ket saan a madusa idinto a dagiti nagbasol ket mapatawan ti maiyannatop a pannusa.
