LOAAG CITY – Ngimmatu iti walo ti bilang dagiti naapektaran iti sakit a monkeypox ditoy pagilian.
Daytoy ket kalpasan a pinasingkedan ti Department of Health (DOH) nga adda tallo a baro a kaso; a nangitunda ti 17 a dagup a bilang ti monkeypox ditoy Pilipinas.
Kinuna ti Department of Health a ti maika-15 nga infected ket maysa a lalaki nga agtawen ti 29; idinto a ti case 16 ket maysa a lalaki nga agtawen iti 34, agpada da a residente iti Metro Manila; ken awan ti travel history-da.
Nammaun a ti maika-15 a kaso ket addaan kadagiti ‘anonymous sexual encounters’ kadagiti nagduduma a partners na; idinto a ti maika-16 a kaso ket addaan iti tallo a seksual a pannakilangen iti tallo a nagduduma a tattao.
Kabayatanna, ti maika-17 ket maysa nga agtawen ti 29 a lalaki a ken residente iti CALABARZON.
Awan met ti travel history-na, ken maymaysa laeng ti partner na, no sadinno a nakitaan met isuna kadagiti umasping a sintomas.
Maiplagip a saan nga airborne ti monkeypox a kas iti COVID-19; ken maiyakar babaen ti skin-to-skin contact kas iti seksual a pannakinaig.
Kabayatanna, napakaammuan metten dagiti Local Government Unit seknan kadagiti baro a kaso.
