LAOAG CITY – Nagballigi dagiti kameng ti Philippine National Police (PNP) a nangtiliw kadagiti tallo a lallaki a nagsusugal iti Barangay Macayepyep iti ili ti Banna.
Basar iti PNP, dagiti suspek ket agtawen ti 30, 50, ken 62, agpapada a residente iti nadakamat a barangay.
Inbatad ni Police Lt. Kester Arellano, ti chief of police iti ili ti Banna, adda ti naawat da a report mainaig iti maipagarop a panagsusugal dagiti suspek.
Inpakaammo na nga iti panagresponde da ket naaktwan da a mismo ti panagay-ayam dagiti tallo a lallaki ti tong-its iti balay ti maysa kadagiti suspek.
Nakumpiskar da iti lugar dagiti inusar dagiti suspek a nagsusugal kas ti lamisaan, tugaw, baraha ken ti
Maipagarop a taya dagiti maseknan a 297 a pisos.
Innayon ni Arellano nga adda pay ti naawat da nga impormasyon a minalem nga agsusugal dagiti susoek iti nadakamat a lugar.
Iti agdama, nagtalinaed dagiti suspek iti kustodyar ti PNP iti ili ti Banna ken maisagsaganan ti maipila a reklamo nga illegal a panagsusugal kontra kadakuada.
