LAOAG CITY – Natiliw dagiti tallo a lallaki gapu iti panaggiinom da iti Barangay Dariwdiw iti ciudad ti Batac.
Nabigbig dagitoy nga isuda Nick Torrate y Agacia, agtawen ti 47, naasawaan; Jester Saep y Clemente, agtawen ti 23, baro ken ni Demetrio Clemente Jr y Dajugan, agpapada dagitoy a residente iti nadakamat a barangay.
Segun ti report, dagus a nagresponde dagiti kameng ti pulisya kalpasan a naipakaammo kadakuada nga aggiinom dagiti tallo a suspek iti sango ti balay da Torrete.
Manamnama a mapilaan ti reklamo dagiti suspek gapu iti panaglabsing da ti Executive Order (EO) 64-20 partikular ti liquor ban.
Kabayatanna, inbaga ni Barangay Chairman Rey Ventura iti Barangay Dariwdiw iti ciudad ti Batac a naamoan na laengen ti napasamak idi nalpasen ti operasyon dagiti kameng ti pulisya.
