LAOAG CITY – Natiliw dagiti tallo a lallaki kalpasan a naaktwan dagiti kameng ti pulisya nga agsusugal da iti Barangay 5, Davila iti ili ti Pasuquin
Segun ken ni Police Lt. BJ Caliboso, ti chief of police iti nasao nga ili, dagiti suspek ket agtawen ti 42, awanan ti asawa, mannalon; agtawen 52, awanan ti asawa, mannalon ken ti agtawen ti 36, naasawaan, meat vendor, agpapada a residente iti nasao a barangay.
Inbaga ni Caliboso a nakaawat da ti report nga adda ti agsusugal iti lugar isut gapuna a dagus da a nagresponde ket ditoy a naaktwan da dagiti suspek nga agay-ayam ti mahjong iti balay ti meat vendor.
Inbatad ni Caliboso a natiliw da dagiti tallo a suspek idinto a ti maysa ket nakataray ken saandan a nasurutan ti nagturungan na.
Nakumpiskar dagiti otoridad iti lugar ti 510 a kwarta,
Lamisaan, mono block a tugaw ken ti inusar dagiti suspek a mahjong dice.
Isagsagan ti PNP ti ipila da a reklamo mainaig iti illegal a panagsusugal kontra kadagiti nasao a suspek.
