LAOAG CITY – Balligi a naarestar dagiti tallo a wanted person iti nagsina nga operasion babaen iti Batac City Police Station.
Segun ken ni P/Lt.Col. Adrian Gayuchan, Hepe ti Batac City Police Station, umuna a natiliw ket ti sumangsango iti kaso a frustrated homicide a naiparuk-at ti warrant of arrest-na ita a bulan babaen ken ni Judge Felix Salvador, ti Presiding Judge ti Regional Trial Court ti Brabch 17 ditoy siudad ti Laoag ken nairekomendar ti 15 a ribu a pisos a pagpiyansana para iti temporario a pannakawayawayana.
Inbatadna a ti maikadua a naarestar ket ti agtawen iti 63 ken residente ti Brgy. Sumader iti siudad ti Batac.
Kabayatanna, balligi a naarestar pay ti maibilang met laeng a wanted person nga agtawen ti 51, construction worker ken residente ti Brgy. Camandingan iti siudad ti Batac.
Naammoan a sumangsango ti akusado iti kaso gapu iti panaglabsingna iti Presidential Decree 1866 wenno ti Illegal Possession of Firearms and Ammunition ken nairekomendar nga agpiyansa daytoy ti 120 a ribu a pisos para iti temporario a pannakawayawayana.
