LAOAG CITY – Tallo manen nga estudyante iti Marcos National High School idiay ili ti Marcos a maipagarop a nasaniban ti dakes nga espiritu.
Daytoy ti kinumpirmaran ni Mr. Paciano Cid, principal ti nasao a pagadalan.
Iti eksklusibo nga interview ti Bombo Radyo Laoag, inbatad na a pinagawid da a dagus dagiti estudyante da tapno awanen dagiti mairaman pay a kas iti napasamak iti kallabes nga umabot ti agarop 40 nga adalan da ti nasaniban ti dakes nga espiritu.
Inbatad na a basar ti maysa a nasaniban, inpetteng na a saan latta a kayat dagiti dakes nga espiritu a pagyanan dagiti estudyante ti baro a building, saanda a kayat ti naringgor, ken saan da a kayat amabatingting ti bell.
Innayon na a basar pay kadagiti nasaniban nga estudyante da, kayat da ti agibales gapu ta naringgoran da iti pannakaisayangkat ti earthquake drill iti nasao a pagadalan idi biernes, Agosto dos.
