LAOAG CITY – Balligi a naisayangkat ti 2 nga aldaw Theoretical Driving Seminar ken medical examinations babaen ti lokal a gobierno ti Solsona nga indauloan ni Mayor Joseph E. de Lara a pakairamanan ti Land Transportation Office-Region 1 iti Federico F. de Lara Civic Center.
Segun kenni Vice Mayor Jonathan Luz de Lara iti nadakamat nga ili agarup 700 a tattao ti nakipaset iti nasao a seminar.
Inbatadna a kaaduan kadagitoy ket dagiti agkalikagum a maaddaan ti student license no sadinno ti nasao a seminar ket napabassit ti bayadan dagiti umili iti 400 pesos nga orihinal nga agbalor iti 1,750 pesos.
Kabayatanna, naragsak a nakipagpaset ti Adjudicating Officer ti Land Transportation Office iti Batac a ni Mr. Juleous Ceasar Ramos, Assistant Chief ti Land Transportation Office iti Burgos a ni Mr. Arnolito Vicente, Dr. Alessandro Basilio, National Bureau of Investigation Agent Mr. Enrique Ong, Ms. Rosemini Agpoon, Ms. Ethel Lazo ken Sangguniang Bayan members iti nasao nga ili.
