LAOAG CITY – Nangipaay ti lokal a gobierno iti ili ti Pinili ti tilapia fingerlings kadagiti nasurok 30 a rehistrado a mangalap manipud iti nagduduma a barangay a managayat nga agtaraken ti tilapia.
Basar iti lokal a gobierno iti ili ti Pinili, ti naibunong a fingerlings ket naggapo iti Nueva Ejica ken maibilang kas first-class tilapia fingerlings.
Mainaig iti daytoy, dagiti naikkan ti fingerlings ket dagiti addaan iti piskaria ken naibasar ti bilang dagiti naited a tilapia fingerlings no kasano kalawa ti piskaria dagiti benipisiaro.
Nupay kasta, innayon ti lokal a gobierno a dagiti saan a naibunungan nga umili ket adda ti gundaway a maikkan inton bulan ti Hulio.
Inpakaammo na pay a ti nadakamat a programa ket agtultuloy a maisayangkat tapnon adda iti pagalan dagiti umili para iti innaldaw a pagbiagda.
Kabayatanna, ti nasao a programa ket panggep na a mangipaay ti suporta ken matulungan dagiti residente a kayatna agtaraken ken tapno adda ti mabalin a pagrugianda ti panagnegosio ken mabalin pay a panagalaan ti sidaen para iti pamilyada.
