LAOAG CITY – Balligi a naarestar dagiti otoridad ti maysa nga indibidual a maibilang kas Top 3 Most Wanted Person ditoy probinsia idiay Pampanga.
Nabigbig ti akusado nga agtawen ti 40, addaan ti live-in partner, agnanaed iti Abiva Homes vicinity of Pampanga ken tubo iti Brgy. 5 ditoy ciudad ti Laoag.
Segun iti Philippine National Police ditoy ciudad, kalpasan a naiparuk-at ti warrant of arrest ti akusado ket maipagarup a napan a nagpaing iti probinsia ti Pampanga.
Mainaig iti daytoy, inyetnag ni Presiding Judge Francisco Qilala iti RTC Branch 14 ditoy ciudad ti Laoag ti warrant of arrest babaen no sadinno sumansango daytoy iti panaglabsing iti Republic Act 9165 ken narekomendaran daytoy ti pagpiansa a P200,000 ken iti Republic Act 10591 a narekomendaran daytoy ti pagpiansa a P800,000.
Kabayatanna, manamnama a maidatag iti korte a nagappuan ti warrant of arrest.
