LAOAG CITY – Inadmitir ni Mayor James Bryan Alcid ditoy ciudad ti Laoag nga adda ti panagbalbaliw ti tourism officer.
Segun kenni Alcid, ti dati a tourism officer nga ni Atty. Charito Malicad ket maiyakar kas officer in-charge ti Business Permit and Licensing Office.
Inlawlawag ni Alcid nga insarita na daytoy nga ummuna iti maseknan tapno mausar na ti kina-abogado na iti maiyannatop a departamento a mabalin a pangipakatan na ti legal knowledge ken kapadasan na.
Inbatad na a ti intensyon ti nagbalin a desisyon na ket tapno makatulog ni Malicad a mapadakkel pay ti mapastrekan ti city government.
Kunana nga awan ti maris politika na daytoy a banag ken saan a wagas a pannakaibaba ti posisyon gapo ta daytoyket dakdakkel a pagopisinaan.
Namnamaen ti mayor a babaen iti daytoy ket mapaalisto ti proseso ti panagrenew ken aplikasyon ti business permit.
Mainaig iti daytoy, kunana a manarimaan pay ti panangkita da iti istruktura dagiti dadduma a pangopisinaan tapno malitupan dagiti agkurkurang ti empleyado na.
Inpakaammo na nga ibasbasar na daytoy, saan nga iti kinaasideg dagiti empeyado kenkuana no diket kitkitaen na no siassino dagiti kwalipikado kadagiti posisyon.
Inbatad na pay a nakitaripnong iti Disiplinary And Separation Board nga isu ti katinullongan na nga agdesisyon para kadagiti empleado.
Namnamaen ti Mayor a saan a maapektaran dagiti aktibidad iti sumaruno a bulan ti Disyembre iti daytoy a panagbaliw ti Tourism Head.
Kabayatanna, mairakurak ita a lawas no siasinno ti sumukat kenni Malicad no sadinno ti maysa kadagiti rumrumuar a nagan ken makitkita ti Mayor nga addaan ti potensyal ket ni Mrs. Mary Jane Leano, ti agdama nga Information Officer ti City Government
Innayon na nga inruar na daytoy a desisyon na tapno matulongan ni Malicad a maka-adjust sakbay ti panakaiwayat ti business renewal intono Enero 2026.
