Naikkat ti ridaw ti makin-likod a paset ti maysa a Ford-everest kalpasan a nadungpar daytoy ti maysa a trailer truck a naglaon ti bulldozer.
Basar iti inisyal nga imbestigasyon ket agpa-amyanan ti bulldozer iti paset ti bacarra road bayat nga agpadaya met ti Ford-everest, no sadinno a dita a napasamak ti pannakasapgud.
Naamuan nga adda lima a lugan ti Ford ken inbatad ti drayber ti Ford a ni Mrs. Sonia Siazon a kadua na ti tallo nga apoko na.
Maianaig iti daytoy, ket awan met ti nasugatan wenno nadangran iti napasamak nga insidente.
Gapu iti nakaro a pannakadadael ti Ford ket nagturong dagiti maseknan iti Ilocos Norte Traffic Division tapno mapagnumuan ti rumbeng nga addang.
Kabayatanna, agtultuloy ti imbestigasyon seknan iti daytoy.
