LAOAG CITY – Manamnama a mapilaan ti kaso ti subject ti drug buy-bust operation iti Barangay 6 iti ili ti San Nicolas intono bigat, Enero 17.
Nabigbig ti subject ti operasyon a ni Mervin Agag, 44, naasawaan, tricycle driver, taga Barangay 32-A, Lapaz ditoy ciudad ti Laoag ngem naikamang iti Sitio 7, Barangay 6 iti ili ti San Nicolas.
Immuna iti daytoy, kinemmeg a dagus dagiti otoridad ti suspek kalpasan a naglako ti maysa a sachet a naglaon ti maipagarop a shabu nga agbalor ti 3 ribo a pisos iti pulis a nagpammarang kas poseur-buyer.
Iti panangkapkap dagiti otoridad ken ni Agag ket nakakumpiskar da ti maysa pay a sachet a naglaon metlaeng ti maipagarop a shabu.
Ni Agag ket maibilang kas Street Level Individual ken basar iti Philippine National Police ket adda ti pakainaigan daytoy kadagiti immunan nga insayangkatan da ti operasyon.
