LAOAG CITY – Inbatad ni Police Capt. Carlo Abing, ti chief of police iti ili ti Sarrat nga agpapan ita ket nagtalinaed nga awan ti poot na ti maysa a tricycle driver a nadesgrasya iti national highway iti paset ti Barangay 1 nasao nga ili.
Inbaga ni Abing a ti biktima ket agtawen ti 41, naasawaan ken residente iti Barangay 5 iti ili ti Sarrat.
Inbaga na nga iti imbestigasyon da ket naamoan a naggapo ti biktima ken dagiti sumagmamano a pada na a tricycle driver iti maysa a paggiinuman iti Barangay 1 ti nasao nga ili.
Segun kenkuana, possible a gapu iti kinabartek ti biktima ket naiturog na kabayatan ti panagmaneho na nga agawid koman iti balay da a nangitunda ti pannakasapgud na ti ligay ti nakaparking a Pick-up.
Gapu iti daytoy ket nagbalbaliktad ti tricycle a nagluganan ti biktima.
Naitaray a dagus ti biktima iti ospital para iti pannakataming na ngem agpapan ita ket pay ti poot ti nasao a tricycle driver.
