LAOAG CITY – Natay ti maysa a tricycle driver kalpasan a napalto-paltogan iti Brgy. Guerero iti ili ti Dingras.
Nabigbig ti biktima a ni Conrado Castillo alyas Boboy, agtawen ti 33, residente iti Brgy. Suyo ken naikamang iti Brgy Guerero iti nasao nga ili.
Segun kenni Police Lt. Belen Baoit, deputy chief of police iti nasao nga ili, agtultuloy ti naun-uneg nga imbestigasyon iti nangpapatay kenni Castillo.
Rumrumwar a sinaruno dagiti saan pay a nabigbig a suspek bayat ti panagturong ti biktima iti Brgy. Guerero a naggapu iti sentro iti nasao nga ili.
Kuna na nga itultuloy da ti agimbestigar iti kinatao ni Castillo, makaksid iti trabaho na kas tricycle driver.
Innayon ni Baoit a dua ti nakalugan iti maysa a mio motorcycle a nangpaltog ken nangsaruno iti biktima.
Naamoan a ti nausar a paltog ket kalibre 45 ken 9mm, basar kadagiti narekobre a kapsula dagiti otoridad iti nakapasamakan ti krimen
Umabot ti siyam a bala ti paltog ti simrek iti bagi ti biktima, karaman iti ulo, pispis, barukong, bakrang , patong ken abaga na.
Dagus a nagtalapuagaw dagiti nakamotorsiklo kalpasan ti pammaltog.
Immunan nga inbatad ti ina ti biktima nga awan ti ammo da a karirriri ti anak na isut gapuna a nakigtot da iti pannakapaltpaltog na a poon metten ti nakatayan na.
Agtultuloy ti imbestigasyon ti pulisya iti napasamak a krimen.
