LAOAG CITY – Kiniddaw ti United States Department of Justice ti federal judge nga ibasura ti kiddaw dagiti sumagmamano a lider manipud iti Minnesota nga isardengen ti immigration crackdown ni United States President Donald Trump.
Nakailanad iti nasao a petision nga arig awan serserbina ti nasao nga addang dagiti lider ti Minnesota.
Maipalagip a nangipila ti petision dagiti lider ti Minnesota iti United States Supreme Court gapu iti panagwaras dagiti Immigration Customs Enforcement (ICE).
Nangitunda iti nalawa a tignay protesta ti napasamak a pammaltog agingga a napapatay dagiti Immigration Customs Enforcement agents ti maysa a babai.
