LAOAG CITY – Naiget ti seguridad nga ipatpatungpal ti Philippine National Police para iti maisayangkat a turn-over ceremony iti St. Anne Parish Church iti ili a Piddig intono bigat, Hulyo 26.
Daytoy ti impasingked ni Pol. Capt. King Ramos, ti Chief of Police iti ili a Piddig.
Kuna ni Ramos a nagkiddaw ti nayun a pwersa iti Ilocos Norte Police Provicial Office para iti turn-over ceremony.
Inbatad ti opisyal nga addan iti immuna nga inwayat da a panagmonitor iti aglawlaw iti ili a Piddig tapno agtalinaed a nalinak, naurnos ken natalna iti lugar kabayatan iti maisayangkat a seremonya iti simbaan.
Naamoan a ti St. Anne Parish Church ket maysa kadagiti kadaanan a simbaan ditoy probinsya nga umaboten iti nasurok 200 a tawen.
Maiwayat ti turn-over ceremony intono bigat babaen ti National Historical Commission of the Philippines.
