LAOAG CITY – Inbatad ti Philippine National Police (PNP) nga umaboten iti 26 dagiti validated nga election-related incidents (ERIs) iti pagilian.
Basar iti datos ti Philippine National Police, ti 17 a validated nga election-related incidents ket “violent” idinto a siyam ti “non-violent.”
Inpakaammo ti nailian a pulisya a kaadoan kadagiti nairekord a violent nga election-related incidents ket manipod iti Bangsamoro Autonomous Region in Muslim Mindanao nga addaan ti pito, sumaruno iti Cordillera Administrative Region nga addaan ti lima ken dua iti Zamboanga Peninsula.
Adda met ti saggaysa a validated violent nga election-related incidents iti Ilocos Region, Davao Region, ken Soccsksargen.
Iti agdama ket manarimaan ti panangvalidate ti Philippine National Police iti innem pay a maipagarop a nga election-related incidents iti Eastern Visayas, Zamboanga Peninsula, Northern Mindanao, ken Soccsksargen
Kabayatanna, inrakurak ti Philippine National Police nga addan ti pakabuklan a 2,414 nga indibidual dagiti naarestar gapu iti panaglabsing da iti election gun ban.
