LAOAG CITY – Nagballaag ti top United Nations official iti “catastrophic consequences” no palawaen pay ti Israel ti military operations na iti Gaza.
Daytoy ket kalpasan nga adda dagiti reports nga ilunglungalong ni Prime Minister Benjamin Netanyahu ti maminpinsan a panangokopar ti Israel iti Gaza Strip.
Ado dagiti kaalyado ti Israel ti saan nga umanamong iti gagem ni Netanyahu gapu ta itantandudo da ti panagpatingga ti gubat.
Nupay kasta, idi napagsaludsodan ni US President Donald Trump ket inpalgak na nga agpannurayen ti desisyon iti Israel.
Ti security cabinet ti Israel ket agtataripnong ita nga aldaw ti Huebes, ken ditoy a pagtutulagan da no ania ti agbalin a tignay da iti nasao nga addang.
Immunan a kinontra ti army chief ken dadduma pay a military leaders iti Israel ti istratehiya, ken agamak ti pamilya dagiti hostages nga ad-adda a maisagmak ti biag dagiti ipatpateg da iti biag.
