LAOAG CITY – Naka-quarantine amin dagiti personnel ti Rural Health Unit (RHU) iti ili ti Solsona kalpasan a nakumpirmaran a positibo ti ti covid-19 ti maysa nga OFW manipod Dubai a nakapulapol da.
Daytoy ti kinumpirmaran ni Police Capt. Chris Anthony Sorsano, ti chief of police iti ili ti Solsona.
Inpakaammo pay ni Sorsano a nakabarikada ti dalan a mapan iti RHU, PNP station ken kasta met iti munisipyo.
Innayon na nga awan pay laeng ti mapalubusan a mapan iti RHU, PNP station idinto a ti municipyo ket limitado laeng dagiti makastrek kas kadagiti empleado.
Mainaig iti daytoy, inadmitir ni Sorsano nga idi pay rabii ti miyerkules, Hunyo 17 a naipakaammo kenkuana a nagpositibo ti covid-19 ti nasao nga OFW ken binilin ni Mayor de Lara a barikadaan da amin ti dalan nga agturong iti RHU, PNP station ken municipyo.
