LAOAG CITY – Maladingitan ni PCL President Handy Lao iti pannaka-kanselar ti eleksyon iti National PCL gapu ta nagpalpak ti Digitalize Voting System.
Inbatad na a nakaad-ado dagiti problema a naduktalan idi inpadas da ti nasao a device.
Segun kenkuana, masapol a maimbestigar a naimbag daytoy a pasamak gapu ta karbengan dagiti miembro da a maamoan ti kinapudno.
Kabayatanna, kuna ni Lao a basar iti pammilin ket masapol a malpas ti eleksyon iti uneg ti 60 nga aldaw.
Kuna na nga iti mensahe a naidanunen kadakuada ket possible a maiwayat lattan ti eleksyon iti kada probinsya.
Nupay kasta, saanna a maibaga no agbaliw pay daytoy wenno saan.
