LAOAG CITY – Kinompirmaran ni P/Cpt Romnick Bornawi, Chief of Police iti Philippine National Police Maritime iti ili ti Pasuquin a shabu ti nakita nga agatatapaw iti kabaybayan a paset ti Claveria Cagayan.
Daytoy ket kalpasan a nakita ti bloke ti shabu iti maysa a mangalap a ni Marjun Maltep a residente iti ili ti Pasuquin.
Inpettengna a daytoy ket nakumpirmaran babaen iti sample a 2.52 grams manipud iti pakabuklan a 995.31 grams nga adaan ti standard drug price a 6,768,108 ken street value a 7 million pesos.
Kunana a naduktalan ti Philippine National Police Forensic Unit nga adda ti presensia ti methamphetamine hydrochloride iti specimen a mangpaneknek a daytoy ket shabu.
Iti agdama, naipama ti shabu iti biang Provincial Drug Enforcement Agency ken isuda ti agdesision nu daytoy a banag ket subject for disposal.
Immunan iti daytoy, nakita ti managalap a residente iti Pasuquin ti maysa a bloke ti shabu iti iti kabaybayan a paset ti Claveria Cagayan.
Iti palawag ni Maltep, iti alas-nuebe y media ti bigat ket mannarimaan ti panagkalapna no sadinno adda ti naobserbaran na nga agtatapaw a bloke nga agmaris iti puraw a nakaibungon iti supot.
