LAOAG CITY – Na-cite in contempt ken manamnama nga ipaaresto ti House Committee on Good Government and Public Accountability dagiti uppat nga opisyal ti Office of the Vice President (OVP).
Daytoy ket kalpasan a saan da a timmabuno iti panagdengeg ti komite seknan iti mapagduaduaan a panagastos iti pondo ti Office of the Vice President ken ti Department of Education (DepEd) iti panangidaulo ni Vice President Sara Duterte.
Karaman kadagiti napatawan ti contempt ken naarestar ti House Blue Ribbon Committee ket da: Atty. Lemuel G. Ortonio, ti Assistant Chief of Staff ken Chairperson ti Bids and Awards ti Office of the Vice President; Gina Acosta, ti Special Disbursing Officer ti Office of the Vice President; Atty. Sunshine Charry Fajarda, ti dati nga Assistant Secretary ti Department of Education; ken ni Edward Fajarda, ti dati nga Special Disbursing Officer ti Department of Education ken agdama ita nga adda iti Office of the Vice President.
Malaksid iti daytoy ket inisyuan da pay ti baro a subpoena ni Atty. Zuleika Lopez, ti chief of staff ni Vice Pres. Sara Duterte ngem iti agdama ket adda iti ballasiw-taaw.
Kabayatanna, nagatendar met iti hearing dagiti dadduma nga opisyal ti Office of the Vice President da: Atty. Rosalynne L. Sanchez, ti Director for Administrative and Financial Services ti Office of the Vice President; Julieta Villadelrey, ti Chief Accountant ti nasao a pangopisinaan; Kevin Jerome Tenido, ti Chief Administrative Officer; ken ni Ma. Edelyn Rabago ti Budget Division Office ti Office of the Vice President
