LAOAG CITY – Inalerto ti Embahada ti Estados Unidos dagiti otoridad ti Pilipinas kontra iti panagraira dagiti peke a visa ken kadagiti sugmamano a dokumento.
Daytoy ti nagbalin a panagballaag ti US Embassy kalpasan ti pannakaarestar ti maysa nga aplikante a nangiprisintar kadagiti sumagmamano a peke a dokumento.
Segun iti embahada ti Amerika, no adda madukduktalanda a peke a dokumento manipud iti Pilipinas ket insigidada nga ipakpakaammo daytoy kadagiti otoridad ditoy pagilian.
Gapu iti daytoy, nagpalagipda a ti panagaramat kadagiti peke a dokumento ket mangitunda ti pannakaipawilda a makastrek iti Amerika.
