LAOAG CITY – Inpasigurado ni United States (US) President Joe Biden kadagiti Democrat donors nga isuna paylaeng ti agballigi iti presidential election a maiyuswat intono Nobyembre ita a tawen kontra ken ni dati nga US President Donald Trump.
Inrakurak daytoy ni Biden kalpasan ti saan a makapnek a performance na iti umuna a bansada ti presidential debate da ken ni Trump.
Inkalintegan ti agtawen ti 81 a ni Biden a sakbay ti debate da ken ni Trump ket ado dagiti fundraising events idiay New York ken New Jersey a nakaapektar iti performance na.
Maipalagip a kalpasan ti debate ket adda dagiti nangirakurak ti pannakadismaya da iti saan a napintas a performance ni Biden, ken adda pay dagiti agamak nga amangan no maapektaran ti kandidatura na.
Inbatad ti US president a maawagan na ti concern kenkuana ti kaadoan ngem inkari na nga ikarigatan na ti lumaban ken agtalek nga agballigi para iti maikadwa a termino kas mangidaulo iti Amerika.
