LAOAG CITY – Ikonkonsiderar manen ni United States President Donald Trump ti panangbomba iti Iran.
Daytoy ket no maminsan manen a padur-asen ti Iran ti uranium a pagam-amkan ti Estados Unidos.
Inbatadna nga umannugot daytoy a mangiwayat ti inspections iti nuclear sites ti Iran nga immunan a binomba ti Amerika.
Naammoan a kadagiti sumaruno nga aldaw ket sungbatanna ti nagbalin a rakurak ni Supreme Leader Ali Khamanei ti Iran nga arig tinungpada ti Estados Unidos iti inaramidda a panangatake ti airbase ti Amerika a nakabase idiay Qatar.
Saan met a mamati ti Presidente ti Estados Unidos nga ituloy pay ti Iran ti nuclear program-da kalpasan ti inwayatda a panangbomba.
