LAOAG CITY – Inikkat ni US President Donald Trump ti Chairman ti Joint Chiefs of Staff a ni Charles CQ Brown, ti highest-ranking officer iti pagilian kas paset ti dakkel a panagbalbaliw iti liderato ti military.
Nagyaman ni Trump kenni General Charles ‘CQ’ Brown para iti agarop 40 a tawen na iti serbisyo iti Estados Unidos.
Kuna na a malaksid ken ni Brown ket adda pay ti lima a top officers ti sukatan iti pwesto.
Ni General Brown maikadwa a black officer a nangidaulo iti pwesto.
Immunan nga inrakurak ni US Defence Secretary Pete Hegseth a masapol a maikkaten iti pwesto ni Gen Brown gapu iti “woke” focus na iti diversity, equity ken inclusion programmes iti military.
