LAOAG CITY – Nangiparuk-at ti desision ti United States Supreme Court a palubosan iti agtultuloy a panangiwayat ni United States President Donald Trump nga immigration raids idiay Los Angeles.
Iti nasao a panagbubutos, adda ti innem nga hues ti pimmabor idinto a tallo ti kimmontra.
Gapu iti daytoy, mapalubosan dagiti immigration agents a mabalin a kwestionaren dagiti tattao basar iti panagsarita ken tradision.
Maipalagip a kwinestionaran ti sumagmamano a grupo dagiti immigration raid a maiwaywayat gapu ta target-da laeng dagiti Latino nga addaan ti umdas a dokumento.
