LAOAG CITY – Inlawalwag ni Palace Press Officer Usec. Claire Castro nga awan ti intensionna nga insultoen wenno tagibassiten dagiti mangisursruo iti nagbalin a rakurakna mainaig iti sumagmamano nga insidente ti saan nga umno nga ugali dagiti estudiante.
Daytoy ket kalpasan a mababalaw daytoy ti Alliance of Concerned Teachers a kunana nga adda dagiti sumagmamano a mangisursuro a naglabsing iti moralidad ken nangisuro kadagiti estudiante ti kina-awan ti modo, kangrunaan kadagiti natataengan.
Segun ken ni Castro, adda ti hugot ti rakurakna, ken saan a para iti amin a mangisursuro daytoy ken inbatadna a para laeng kadagiti indibidual nga aglablabsing iti umno nga ugali.
Mainaig iti daytoy, maawatan ni Castro nga adda dagiti mangisursguro a nasair ti rikna na iti nagbalin a rakurakna ken inlawlawagna a binalakadanna laeng dagitoy gapu ta isuda ti dakkel ti papelna kas mangmuli ti ugali ken values dagiti agtutubo.
Iti baet daytoy, kuna ni Castro nga awan ti makitkitana a rason tapno agkiddaw daytoy ti despensar gapu ta naikkan laeng ti saan nga umno a konteksto ti rakurakna.
