LAOAG CITY – Inpetteng ni Vice President Sara Duterte a saanna a kayat a padisien ken agawen ti pwesto ni President Ferdinand Marcos Jr., ken kunana a kayatna a makita ti publiko ti maipagarop a kaawan ti babain na agingga iti udina.
Iti interview ken ni Duterte idiay Davao City kalpasan ti maysa nga aktibidad para iti selebrasyon ti Independence Day, nagkedkedan ti bise presidente dagiti panawagan manipod iti sumagmamano a grupo ken dagiti retirado nga opisyal ti militar nga idaulwan na ti maysa nga addang a kapada ti People Power kontra iti agdama nga administrasyon.
Inlawlawag na nga isuna ti constitutional successor, ken adda ti sinapataan na idi nagasumir iti Office of the Vice President a preserbaren ken dependaran na ti konstitusyon.
Gapu iti daytoy, inpaganetget ni Vice President Duterte nga aniaman a panagbalbaliw iti liderato ti pagilian ket masapol a dumalan kadagiti legal ken konstitusyonal a proseso.
Innayon na nga awan kadagiti imana ti pannakaisayangkat ti extra constitutional tapno mapadisi iti pwesto ni Presidente Marcos Jr.
Basar kadagiti report sipud pay idi Abril 2026, adda ti sumagmamano a grupo a maipagarop a bukbuklen dagiti dati nga opisyal ti militar a magutgutigot ti suporta da para iti possible nga addang kontra iti agdama nga administrasyon, banag nga agtultuloy a maim-imbestigar ken mabanbantayan.
Kabayatanna, nagtalinaed a manamnama ti panagtaray ni Duterte para iti kina-presidente iti eleksyon intono 2028.
