LAOAG CITY – Kinumpirmaran ni Barangay Chairman Elviro Agoo iti Barangay Davila, Pasuquin, Ilocos Norte nga adda dagiti nakita da a white sand iti datar ti truck a nagkarga kadagiti pebbles.
Nupay kasta, kuna na a saanen a binukitkitan dagiti otoridad ti linaon ti truck kalpasan a nakita da dagiti pebbles.
Mamati ni Agoo nga adda latta dagiti agilib-libas nga agala ti white sand.
Gapu ti daytoy, nagpanawagan ni Aggo kadagiti otoridad ken iti biang ti quarry council a masapol nga inspeksyunen da a naimbag dagiti masalsalamaan a truck nga agkarkarga kadagiti pebbles.
Kuna na a babaen ti daytoy ket masigurado nga awan dagiti makailibas nga agala ti white sand.
Immuna ti daytoy, kinumpirmaran ni Agoo a ti nagkarga kadagiti pebbles a ni Lemuel Salyotan a residente met laeng iti Barangay Davila ket dati nga agal-ala ti white sand, ngem idi inpawil ti gobierno ket insublat na ti pebbles.
