LAOAG CITY – Sinuspenso ti World Health Organization ti medical evacuations manipod Gaza agturongiti Ehipto babaen ti pannagna iti Rafah crossing kalpasan a natay ti contractor babaen kadagiti tropa ti Israel.
Binigbig ni World Health Organization chief Tedros Adhanom Ghebreyesus ti contractor a ni Majdi Aslan, agtawen ti 54.
Segun kenkuana, natay ni Aslan iti “security incident” idinto a dagiti dua a kadwa na ket saan a naan-ano.
Immunan nga inrakurak ti Gaza’s Hamas-run health ministry a ti contractor ket imnmaneho na ti lugan a rinentaan ti World Health Organization iti southern Gaza idi inatake dagiti tropa ti Israel.
Inlawlawag met ti Israeli military a nakakita dagiti tropa da ti unmarked vehicle nga umas-asideg kadakuada ken iti Yellow Line, rason a nag-warning shots da ngem saan nga inkaskaso ti nasao a behikulo isut gapuna a pinaltugan da daytoy.
