LAOAG CITY – Nakaawat ti P802 milyon ni dati nga House appropriations committee chairperson ken Ako Bicol party-list Rep. Zaldy Co manipod iti Sunwest Construction, contractor ti maipagarop a P289 milyon a ghost flood control project iti Naujan, Oriental Mindoro.
Daytoy ket basar iti witness manipod iti Anti-Money Laundering Council (AMLC).
Nagtestigo ni Atty. Jan Mark Busa ti AMLC para iti prosekusyon ken kuna na a ti testimonya na iti panangusig ti malversation case kontra ken ni Co ken 15 a sabsabali pay iti Sandiganbayan Sixth Division.
Kun ni Busa, nakaawat ni Co ti P802 milyon iti babaen ti check deposits manipod kadagiti account ti Sunwest sipud 2019 agingga it 2025 no sadinno dagitoy a panawen ket termino ti dati nga agpanpanday linteg kas Ako Bicol party-list representative.
Kas public official, ni Co ket pawpawilan ti linteg a maaddaan ti business interests.
Iti agdama, agtultuloy ti pannakabirbiruk ni Co ken dagiti pada na nga akusado nga opisyal ti Sunwest.
