LAOAG CITY – Inakusaran ni Ukrainian President Volodymyr Zelensky ti Russia nga ibaybayagna ti oras para iti naan-anay a panaglippas ti gubat a nagbaetanda.
Inbatadna nga adu dagiti naidumduma a kondision nga ikidkiddaw ti Russia a mangipakpakita a saan daytoy nga interesado iti peace deal.
Immunan nga inrakurak ni United States President Donald Trump a nakasaritana iti telepono da Zelensky ken Russian President Vladimir Putin no sadinno nga insigida a maipatungpal ti kinakappia.
Tinawagan met ni Zelensky dagiti sumagmamano a kaalyado daytoy a pagilian iti Europa no sadinno a nakasaganada nga i-pressure ti Russia tapno sumungbat maipapan iti kinakappia.
Naammoan nga adda ti sumagmamano a wagas nga ar-aramiden ti Estados Unidos ket ti panag-blacklist iti agarup 200 nga oil tankers ti Russia no bilang saan nga agtungpal maipapan iti kinakappia.
