LAOAG CITY – Nagballigi ti naiyuswat nga Oplan Katok a programa ti Philippine National Police (PNP) ditoy probinsya.
Daytoy ti inbatad ni Police Major Jephre Taccad, ti pannakangiwat iti Ilocos Norte Police Provincial Office (INPPO).
Segun ken ni Taccad, adda ti 10 a naideposito a paltog iti PNP manipud iti nagduduma nga ili ditoy probinsya.
Karaman a nakaidepositoan ti paltog ket iti ili ti Piddig, Burgos, Bacarra,Banna, Marcos, Currimao Pinili, Pagudpud, Sarrat ken Vintar.
Inpakaammon Taccad a malaksid kadagiti naideposito a paltog ket adda pay ti narekobre a maysa nga hand grenade iti ili ti Bacarra idinto a narekobre met ti maysa a Loose firearm iti ili ti Dingras.
Innayon na a ditoy met ciudad ti Laoag ket adda ti dua a drug personality ti simmuko.
Inpanakkel ni Taccad a nagapwanan amin ti PNP dagitoy iti uneg laeng ti maysa nga aldaw.
