LAOAG CITY – Inbilin ni Acting Ombudsman Dante Vargas ti pannakaipataw ti innem a bulan a preventive suspension kadagiti 16 nga opisyal ken empleado iti Department of Public Works and Highways (DPWH) – Bulacan 1st District Engineering Office gapo iti isy ti kurapsyon iti flood control projects.
Segun iti Office of the Ombudsman, ti preventive suspension ket nagepekto pay laeng idi kalman, Setyembre 18.
Daytoy ket kalpasan ti panangipila ni DPWH Secretary Vince Dizon ti criminal complaints kontra kadagiti sumagmamano nga opisyal idi laeng Lunes.
Inbatad ni Dizon a target ti ahensya ti panangipila ti mausa a corruption case iti kada lawas kageddan ti imbestigasyon ti Independent Commission for Infrastructure (ICI) iti maipagarop nga anomalya a flood control projects.
Inyendorsar pay ni Commission on Audit (COA) Chairperson Gamaliel Cordoba ti nayun a fraud audit reports nga adda ti pakainagan na iti flood control projects a masarakan iti Plaridel, Pandi, ken Bocaue.
Naamoan a dagiti flood control projects a makweskwestyunaran iti daytoy a gundaway ket maipagarop a ghost wenno graft-ridden projects, gapo iti kinakurang ti kasapulan a dokumento, discrepancy iiti lokasyon ken dadduma pay a rason.
Ti nasao a proyekto ket napondoan iti 389.6 million a pisos.
Kuna ti Ombudsman a ti suspension order ket tapno maprebentaran dagiti maseknan nga opisyal a maimpluwensyaan da ti manarimaan nga imbestigasyon ken maprotehiran dagiti public records.
