LAOAG CITY – Natay ti agarop 19 a tattao kalpasan ti panagdinnungpar ti trailer truck ken bus idiay Mexico.
Napasamak ti insidente iti Zacatecas state no sadinno nga adda pay ti innem a sabsabali a nasugatan.
Basar ti imbestigasyon dagiti otoridad, dinungpar ti bus ti trailer truck a nagkarga kadagiti mais.
Gapu iti kinapigsa ti panagdinnungpar ket natennag iti derraas ken naipurwak dagiti nakalugan iti bus.
Agtultuloy ti imbestigasyon dagiti otoridad seknan iti napasamak nga insidente.
