LAOAG CITY – Dumanon iti sumurok-kumurang 20 a Palestino ti pimmusay kalpasan ti aistrike ti Israel iti maysa a tiendaan ken pagadalan a maus-usar kas temporario a pagnanaedan dagiti napukawan ti pagtaengan.
Napasamak ti insidente iti Deir el-Balah iti central Gaza no sadinno a mabalin pay a ngumato ti bilang dagiti pimmusay gapu ta adda dagiti sumagmamano a biktima a nakaro ti kasasaadna.
Naammoan nga adu pay kadagiti biktima ket ubbing nga adda iti kritikal ti kasasaadna kadagiti ospital.
Kabayatanna, adda dagiti sumagmamano a biktima met ti nagaburan kalpasan ti panangraut iti pagadalan no sadinno agtultuloy ti maiwaywayat a panangbiruk ita dagiti otoridad.
