LAOAG CITY – Naipaayan ti tulong ti 28 a pamilya a nagtalinaed iti evacuation center iti ili ti San Nicolas.
Daytoy ti inpakaammo ni Mr. Ryan Rollaine Simon iti Municipal Disaster Risk Reduction and Management Office iti ili ti San Nicolas.
Inbatad na a dagiti naipaay a tulong kadagiti naibakwit a pamilya ket naggapo iti Department of Health ken gobierno probinsyal.
Inpasigurado na nga agtultuloy ti panangsuporta ti lokal a gobierno iti panangidaulo ni Mayor Mike Hernando kadagiti maseknan a pamilya kabayatan ti panagtalinaed dagitoy iti evacuation center.
Naamoan a dagiti pamilya a nagtalinaed iti evacuation center ket manipod iti Barangay 3, 16, 19, ken 21 iti ili ti San Nicolas.
