LAOAG CITY – Manipod kadagiti 30 a lugar ket dumanonen iti 38 a lugar ti nakairekord ti init a 42°C agingga 47°C heat index.
Daytoy ket maibasar iti forecast ti Philippine Atmospheric, Geophysical, and Astronomical Services Administration no sadino ti Sangley Point idiay Cavite ti nakaimaldit ti kangatoan nga heat index a dimmanon iti 47°C ken iti Dagupan City, Pangasinan a 46°C idinto ti Metro Manila ket 45°C heat index.
Kadagiti 38 a lugar, lima ditoy ti nakapasar ti 45°C; 3 ti 44°C; 43°c iti 9 a lugar; 12 a lugar ti nakairekord ti 42°C.
Kabayatanna, ti kalaamiisan a lugar ditoy Pilipinas a dati a makairekrekord ti 11-14°C ket nagrehistro ti 28°C iti Baguio City ken BSU La Trinidad iti Benguet.
Basar iti Philippine Atmospheric, Geophysical, and Astronomical Services Administration, maibilang a danger level ti 42°C-51°C nga heat index a posible a makapasar ti heat cramps ken heat exhaustion wenno heat stroke ti maysa a tao no agtultuloy a naka-expoe daytoy iti init.
Agtultuloy ti panangirekomendar ti Philippine Atmospheric, Geophysical, and Astronomical Services Administration ti limitado nga outdoor activities; uminom ti adu a danum; at ken agsuot ti presko a bado tapno makissayan ti epekto ti nabara a panawen.
