LAOAG CITY – Inpakaammo ni Major Bryan Albano, ang Civil Military Operations Officer ng 501st Infantry Valiant Brigade ng Philippine Army, a ti panagbaba ti bilang dagiti komunista a grupo ket resulta ti kolektibo a panagregget dagiti nagdumaduma a sektor kas kadagiti Local government Units, barangay, ken dagiti umili.
Segun kenkuana, kalpasan ti 56 a tawen ita laeng a makita ti dakkel a panagbalbaliw ti panagbaba a bilang dagiti komunista a grupo dagiti terorista gapu iti adu nga organisasion ken proyekto ti binukel ti National Task Force to End Local Communist Armed Conflict tapnu matulongan dagiti dati a rebelde a grupo a manggun-od manen iti nasayaat a panagbiag.
Mainaig iti daytoy, adda 58 a barangay iti Region 1 a mabenepisiaran kadagiti programana ken 160 a milion a pisos ti naituding a budget kadagitoy a programa iti kada tawen nu sadinno dagitoy a programa ket pakairamanan ti tulong manipud kadagiti ahensia ti gobierno kas ti Department of Social Welfare and Development, Technical Education and Skills Development Authority ken Department of Labor and Employment.
Malaksid iti datoy, adda ti mapatta-patta a 40 agingga 47 organisasion iti rehion 1 a saan pay a simmuko.
Kabayatanna, naiget a banbantayan dagiti autoridad dagiti aktibidad ti panag-recruit dagiti communist terrorist group kadagiti unibersidad ti estado iti Rehion 1 tapno malapdan ti panagsubli ti ideolohia ti insurhensia kadagiti agtutubo.
