LAOAG CITY – Umabot iti 66 a tattao ti natay idinto a 51 a sabsabali dagiti nasugatan kalpasan a nauram ti maysa a resort iti northwestern Turkey.
Segun ken ni Interior Minister Ali Yerlikaya, napalalo ti ladingit da iti pannakauram ti Kartalkaya resort iti Bolu province.
Kaadoan kadagiti biktima ket agpapada a nagbakasyon laeng iti lugar no sadinno a dagiti dadduma a natay ket nagtapwak iti tawa.
Naamoan a narigatan dagiti bombero a nangsebseb iti apoy gapu ta naaramid iti nabengbeng a bato ti 12 a kadsaaran nga hotel.
Daydaywen ti ado a tattao ti resort tunggal holiday ken bakasyon dagiti agad-adal manipod Enero agingga iti umuna a lawas ti Pebrero.
Umabot met iti 30 fire trucks ken 28 nga ambulansya ti nagresponde karaman ti 267 nga emergency personnel tapno masebseban ti apoy.
Agtultuloy ti imbestigasyon dagiti otoridad no ania ti nangrugyan ti apoy.
