LAOAG CITY – Gutgutiguten ti Autism Society of the Philippines Laoag City chapter dagiti nagannak iti pannakacheck-up dagiti annak da tapno a maduktalan no adda wenno awan iti sagsagabaen da a sakit kas iti autism.
Daytoy ket gapu ta patyen da nga adu pay dagiti saan a nadiagnose nga ubbing mainaig ti nasao nga sakit.
Segun kenni Mrs. Mari Genevieve Arcanghel, presidente iti nasao nga grupo, nasken ti naiget a koordinasyon da kadagiti maseknan nga ahensya ti lokal a gobyerno tapno maipaayan ti suporta dagiti adda iti autism.
Inlawlawag na a mabalin a madeterminar ti kaadda iti autism ti ubing iti tawen na nga maysa aginnga iti tallo.
Innayon ni Mrs. Arcanghel a saan a kabaelan ti grupo a madanun amin dagiti adda iti adayu nga lugar rason a bisitaen da ti page nga AUSOMEAngels kangrunaan no adda ti saludsod da kadakuada.
