LAOAG CITY – Naisadsad iti igid ti baybay iti maysa a resort iti paset ti Barangay Calayab ditoy ciudad ti Laoag ti maysa a pawikan.
Basar ti impormasyon,agatiddog ti nasao a pawikan ti 19 inches idinto nga agakaba ti 18 inches.
Mainaig iti daytoy, plano ti PENRO a dumalan iti otopsiya ti pawikan tapno makita a nalaing no adda ti sugat iti uneg daytoy.
Ummuna iti daytoy, atapen ti PENRO a ti rason ti nakatayan ti pawikan ket gapo iti nakan wenno naipauneg na a plastic.
Nupay kasta, inrekomendar ni Provincial Veterinarian Dr. Loida Valenzuela a maipunpon lattan ti pawikan gapo ta innem nga orasen ti napalabas sipud natay daytoy.
Naamoan a posible nga agruprupsan ti uneg ti pawikan ken addan ti saan a nasayaat nga angot manipud iti daytoy.
