LAOAG CITY – Umabot iti 19 a tattao ti natay kalpasan a bimmagsak ti military aircraft iti Omdurman, Sudan.
Basar iti rakurak ti militar, ti Antonov aircraft ket bimmagsak bayat nga ag-takeoff manipod iti Wadi Sayidna air base, no sadinno a nagdisso daytoy iti maysa a balay a masarakan iti distrito ti Karrari ti Omdurman.
Malaksid kadagiti natay ket adda pay ti sumagmamano a sabsabali a nasugatan iti insidente a pakairaman ditoy dagiti militar ken sibilyan.
Kinumpirmaran pay ti militar a karaman kadagiti natay ket sumagmamano a nangangato nga opisyal ti military ken dagiti sibilyan.
Agpapan ita ket saan pay a masinunuo no ania iti makaigapu a bimmagsak ti nasao nga eroplano.
Inpakaammo met ti Ministry of Health a naikbail dagiti bangkay iti Nau Hospital iti Omdurman.
