LAOAG CITY – Na-detect ti agarop 45 a Chinese aircraft iti asideg ti Taiwan.
Iti maysa nga statement, inreport ti Taiwan Defense ministry a malaksid kadagiti Chinese aircraft, nakita pay ti 14 a barko a pakigubat asideg iti isla.
Daytoyen ti kaadoan a bilang dagiti air ken sea assets ti China a nadetect ti Taiwan ita a tawen.
Naamoan a nakita dagiti Chinese aircraft iti asideg ti self-ruled island, maysa nga aldaw kalpasan a kondenaren ti Taiwan ti rakurak ti China a panangiyuswat na ti live-fire drills 40 nautical miles asideg iti abagatan a paset ti Isla.
