LAOAG CITY – Umad-ado ti bilang dagiti turista nga agturturong ditoy ciudad ti Laoag.
Daytoy ti inpakaammo ni Atty. Charito Malicad, ti City Tourism Officer ditoy ciudad.
Segun ken ni Malicad, naobserbaran da ti ad-adda a panagado dagiti turista ditoy ciudad ti Laoag idi Disyembre iti napalabas a tawen agingga idi Pebrero ita a tawen.
Nupay kasta, kuna ni Malicad nga awan pay ti datos da no mano ti bilang dagiti turista nga umay bumisbisita ditoy ciudad.
Innayon ni Malicad a dakkel ti impact na ti napalabas a panagfiesta ditoy ciudad ken ti ad-adda pay a pannakapapintas dagiti nagduduma a pagpasyaran ditoy ciudad ti Laoag iti agtultuloy a panagado ti turista.
