LAOAG CITY – Natay ti maysa a nataengan a lalaki idinto nga uppat a sabsabali dagiti nasugatan iti napasamak a pammagkong iti ciudad ti Haifa idiay Israel.
Napasamak ti maibilang kas “terrorist attack” iti HaMifratz Central train and bus station.
Basar iti report, ti suspek ket pimmusay metlaeng kalpasan a pinaltugan dagiti security guard a nakaduty iti nadakamat a lugar.
Naamoan a ti pimmusay a biktima ket agtawen ti 70 idinto a karaman met kadagiti nasugatan ket ti agtawen ti 15 a lalaki.
Mainaig iti daytoy, kinumpirmaran dagiti otoridad a ti suspek ket Israeli Druze man a taga ili ti Shfaram ngem kagapgapo na manipod abroad.
