LAOAG CITY – Manamnama a maiwayat ti Kinni-kinni Parade ditoy probinsia intono Sabado, Marso 8 kas paset iti International Women’s month celebration ita a bulan.
Mangrugi ti parada iti oras ti alas dos iti malem a pakipagpasetan dagiti grupo ti babbai manipod iti nagduduma a lokal a gobierno.
Malaksid iti parada, maangay pay ti health care service para kadagiti empleado ti gobierno probinsial intono Marso 14, ken ditoy a maidiaya iti libre a manicure, pedicure, libre a pukis ken masahe.
Karaman pay iti selebrasyon iti zumba for gender equity and inclusive society intono Marso 21.
Patien ti gobierno probinsial a babaen kadagitoy nga aktibidad ket maitandudo ti importasia ti babbai iti probinsia kagiddan ti selebrasyon ita a bulan.
Ti selebrasyon ti Women’s Month ita a tawen ket ddaan ti tema a “Babae sa Lahat ng Sektor, Aangat ang bukas sa bagong Pilipinas”.
